Ana səhifə Toplum |
2015-ci ildə Dövlət Sosial Müdafiə Fondunun 190 - Mərkəzi Çağrı Sistemi tərəfindən 147 027 müraciət cavablandırılıb.
Bu barədə Axar.az-a Fondun mətbuat xidmətindən məlumat verilib.
Məlumata görə, müraciətlərin 21 345-i elektron xidmətlər, 6 818-i fərdi uçot, 21 364-ü əmək pensiyaları, 17 644-ü məcburi dövlət sosial sığorta haqqı məsələlərini əhatə edib. 17 740 müraciət isə pensiyaların avtomatlaşdırılmış təyinatı ilə bağlı olub.
Dövlət Sosial Müdafiə Fondunun Çağrı Mərkəzi universal telefon məlumat xidmətinə inteqrasiya olunub. Hazırda bu məlumat xidməti üzərindən zəng vuran sahibkarlara məcburi dövlət sosial sığortası və elektron xidmət bölmələri üzrə telefon məlumat xidməti göstərilməsi həyata keçirilir.
Qeyd edək ki, son təkmilləşdirilmə işləri nəticəsində sistemin fəaliyyəti "Dövlət orqanlarında çağrı mərkəzlərinin fəaliyyətinin təşkili Qaydaları"nın tələblərinə uyğun yenidən qurulub. Bu, Nazirlər Kabinetinin 2015-ci il 25 fevral tarixli 50 nömrəli qərarı ilə təsdiqlənib.
Tarix
2016.01.25 / 11:25
|
Müəllif
Axar.az
|