Bu gün Ümumdünya Gömrük Təşkilatının Avropa Regional Ofisində Dövlət Gömrük Komitəsi (DGK) rəhbərliyinin iştirakı ilə "2015-ci ilin yekunları və qarşıda duran vəzifələr" mövzusunda mətbuat konfransı keçirilib.

Axar.az xəbər verir ki, DGK-nin sədri Aydın Əliyev ötən ilin gömrük sahəsindəki göstəricilərindən və qarşıda duran vəzifələrdən danışıb.

Komitə sədrinin sözlərinə görə, ötən il gömrük orqanları qarşıda duran bütün vəzifələrin öhdəsindən gəlib:

"Ticarət dövriyyəsini stabil saxlamaq üçün tərəfimizdən mütəmadi tədbirlər keçirilib. Sahibkarların problemi dinlənilib, müəyyən problemlər həll edilib. Azərbaycanda idxal 2014-cü illə müqayisədə 60 milyon manat artıq olub.

1milyard 590 milyon manat nəzərdə tutulmuş vergi gözləntisin 1 milyard 292 milyon manatla yerinə yetirilib. 2015-ci ildə 300 cinayət faktı qeydə alınıb. Bunun da əksəriyyəti narkotik qaçaqmalçılığı olub".

A.Əliyev bildirib ki, 2015-ci ildə tranzit daşımaları üçün müəyyən addımlar atılıb: "Fevralın 1-dən giriş-çıxışlarda Almaniyada istehsal olunmuş iri qabaritli yüklərin yoxlanılmasında yeni avadanlıqlar tətbiq olunacaq. Şəffaflığın təmin olunması üçün bütün sərhəd-keçid məntəqələrində 600-dən çox xüsusi kameralar quraşdırılıb".