Ana səhifə Toplum |
Bacımın sevgilisi olmayıb.
Axar.az xəbər verir ki, bu açıqlama ilə intihar edən Kooperasiya Universitetinin tələbəsi Nigar Vahabovanın bacısı Aytac Vahabova çıxış edib.
İctimai Televiziyanın əməkdaşı olan A.Vahabova "Bizim Yol"a bildirib ki, bacısının ölümündən qabaq telefonla danışıblar.
Onun sözlərinə görə, intihardan qabaq ailəsinə məktub yazması haqda xəbərlər yanlışdır: "Onun intihar etməsinin səbəbi bizə məlum deyil. Bəzən elə şeylər var ki, o, səbəbsiz olur. Yaxud da səbəbi o qədər böyük olur ki, onu paylaşmaq istəmirsən".
A.Vahabova bacısının dəfnində yaxın dostlarının, müəllimlərinin iştirak etdiyini açıqlayıb: "Biz sevgilisiz, nişansız, toysuz həyatını sona yetirən Nigarımızı vağzalı sədaları ilə son mənzilə yola saldıq.
Rusiyada yaşayan atamız Nigarın vida mərasimində iştirak edə bilmədi. Amma onun üçün gül dəstəsi hazırlatdırıb göndərmişdi. Nigarımızı doğulduğu Şüvəlandakı qəbiristanlıqda dəfn etdik.
Yada salaq ki, N.Vahabovanın sevgilisi olduğu və istintaq cəlb edildiyi barədə xəbərlər yayılmışdı. İddia olunurdu ki, həmin şəxs ailəli olub və Nigara görə boşanıb. Nigar sevgilisinin evli olduğunu öyrənib və ondan ayrılmaq qərarına gəlib.
Həmin şəxs ayrılığa razı olmayaraq Nigara təzyiq göstərib. Nigarı onda olan uyğunsuz fotoları ilə şantaj edib. Gənc qız çıxış yolunu intiharda görüb.
Tarix
2016.02.11 / 13:25
|
Müəllif
Emil Salamoğlu
|