"Konnekt" təşkilatı Niderland parlamentinə Xocalı soyqrımı ilə bağlı müraciət ünvanlayıb.

Axar.az xəbər verir ki, müraciəti təşkilatın sədri Vüqar Abbasov və onun təşkilatdakı həmkarı Vim van Embden imzalayıb.

V.Abbasov bildirib ki, müraciət İkinci Kamerin (Niderland parlamenti) 16 fraksiya rəhbərinə göndərilib:

"Müraciətdə 1992-ci il fevralın 26-sında Azərbaycanın Xocalı şəhərində yüzlərlə insanın erməni-rus hərbi birləşmələri tərəfindən qətl edildiyi, bir çox insanın yollarda donaraq öldüyü, Qarabağın hələ də Ermənistanın işğalında olduğu öz əksini tapıb".

Məktubda daha sonra deyilir: "Hər hansı bir siyasi və yaxud digər səbəblərdən bu soyqrımı görməzdən gəlməməyinizi sizdən xahiş edirik. Sizin bu soyqrımı parlamentdə anmağınız gələcəkdə bu kimi cinayətlərin baş verməməsinə zəmin yarada bilər".