İşdən çıxmaq üçün ərizə yazan məhkəmə sədri vəzifəsindən azad edilib.

Report-un məlumatına görə, bununla bağlı Milli Məclisin bugünkü plenar iclasında qərar qəbul edilib.

1 saylı Bakı İnzibati-İqtisadi Məhkəməsinin sədr əvəzi vəzifəsindən azad olunan Müseyib Hüseynov Həmçinin, Bakı Apellyasiya Məhkəməsinə hakim təyin edilib.

Məsələ səsverməyə çıxarılaraq qəbul edilib.

Xatırladaq ki, bir müddət əvvəl M.Hüseynov ərizəsində səhhəti ilə əlaqədar iş yerinin dəyişdirilməsini istəmişdi.

Qeyd edək ki, M.Hüseynov 2011-ci il yanvarın 1-dən 2016-cı il yanvarın 1-dək 1 saylı Bakı İnzibati-İqtisadi Məhkəməsinin sədri vəzifəsində çalışıb.

***

Ali Məhkəmənin hakimi İslam Əliyev vəzifəsindən azad edilib.

Məlumata görə, Milli Məclisin bu gün keçirilən iclasında bununla bağlı qərar layihəsi qəbul olunub.

Azərbaycan Prezidenti İlham Əliyev tərəfindən təqdim olunan qərar layihəsidə bildirilir ki, İslam Əli oğlu Əliyevin vəzifəsinin dəyişdirilməsi ilə əlaqədar Ali Məhkəmənin hakimi vəzifəsindən azad edilir.