Yuxarı

AzTV sədri məhkəmə iddiasında israrlıdır – Açıqlama

Ana səhifə Toplum
12 Punto 14 Punto 16 Punto 18 Punto
AzTV sədri məhkəmə iddiasında israrlıdır – Açıqlama

Arif Alışanov Qulu Məhərrəmliyə qarşı öz iddiasını geri götürməyəcək.

Bu sözləri Axar.az-a açıqlamasında AzTV-nin mətbuat xidmətinin rəhbəri Xatirə Qasımova tanınmış telejurnalist Qulu Məhərrəmli ilə AZTV-nin sədri Arif Alışanov arasında məhkəmə prosesi ilə bağlı danışarkən deyib.

"Arif Alışanov Qulu Məhərrəmliyə qarşı öz iddiasını geri götürməyəcək. Məhkəmə olacaq. Məhkəmə prosesini gözləsinlər. Bizim rəsmi mövqeyimiz bundan ibarətdir".

Qeyd edək ki, AzTV sədri A.Alışanov 39 illik jurnalist fəaliyyətində ilk dəfə olaraq bir həmkarını - Qulu Məhərrəmlini məhkəməyə verib. Buna səbəb isə Q.Məhərrəmlinin bir neçə media qurumunda televiziyanın kütləvi yayıma başlamasının 60 illiyi ilə bağlı verdiyi açıqlamalardır. Jurnalist həmin açıqlamalarda AzTV-nin bugünkü fəaliyyətini bəyənmədiyini bildirib, bunu qurumun rəhbərinin qeyri-peşəkar olması və yaradıcı menecmenti bilməməsi ilə izah edib. Ağsaqqal jurnalist Şirməmməd Hüseynov həmkarlar arasında müzakirə və mübahisələrin mediada getməli olduğunu bildirərək, Qulu Məhərrəmlinin mövqeyini müdafiə edib və Arif Alışanovu jurnalist saymadığını, onu məmur hesab etdiyini vurğulayıb.

Nəsimi Məhkəməsinə müraciət edən Arif Alışanov telejurnalistə xüsusi ittiham qaydasında cinayət işinin açılmasını, onun Cinayət Məcəlləsinin 147.1 və 148-ci maddələri ilə cinayət məsuliyyətinə cəlb olunmasını istəyir. Bu maddələrdə azadlıqdan məhrum etmə cəzası da nəzərdə tutulur.

Tarix
2016.03.10 / 23:25
Müəllif
Aygün Yusibova
Digər xəbərlər

Paşinyan Azərbaycanla delimitasiya prosesindən danışdı

Bakı Bəyannaməsi BMT-nin rəsmi sənədi kimi yayıldı

Szinpin buna görə Putini şəxsən qarşılamadı

Bu, ölkəmizin Avropa üçün önəmini təsdiqləyir

Prezident Oman Sultanını təbrik etdi

İlham Əliyev latviyalı həmkarını təbrik etdi

Bakı ilə İrəvan arasındakı sülh prosesi... – Gülər

Vadeful Bakıdan İrəvana uçdu

Türkiyə ilə Azərbaycan arasında münasibətlər... - Nazir

Bayramovdan TRİPP açıqlaması: Bakı ilə razılaşdırılmalıdır!

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla