Türkiyədə baş verən zəlzələ fəlakətindən sonra Yunanıstan, İsrail, İtaliyada da təbii fəlakətlər olacağını demişdim.

Bu sözləri Axar.az-a açıqlamasında kliniki psixoloq, ekstrasens Zirəddin Rzayev Egey dənizində seysmik aktivliyin kəskin artması ilə bağlı danışarkən deyib.

O bildirib ki, Yunanıstan və Türkiyə geoloqları artıq həyəcan təbili çalır:

“Ancaq mən Yunanıstanda saysız-hesabsız yeraltı təkan və vulkan ehtimalı ilə bağlı 10 fevral 2023-cü ildə proqnoz vermişdim.

Hazırda Egey dənizi bölgəsində vulkan təhlükəsi də var. Daha öncədən 2025-ci ilin vulkanlarla bağlı təhlükəli olacağını Azərbaycan və Rusiya mətbuatına açıqlamamda proqnozlaşdırmışdım, həmçinin fevral ayının aktiv ay olacağını sosial şəbəkədə elan etmişdim. Ancaq Yunanıstan və Türkiyə sərhəddində baş verən yeraltı təkanların böyük faciələrə səbəb olacağı qənaətində deyiləm.

Onu da qeyd edim ki, Türkiyə və Yunanıstanı sadəcə fevral yox, yay aylarında da təhlükə gözləyir.

Doğrudur, hazırda dünyanın diqqəti Yunanıstan və Egey dənizi bölgəsindədir. Bu hal müvəqqətidir. Çünki yaxın vaxt ərzində bütün diqqətlər dünyanın başqa nöqtəsinə yönələcək. Ancaq bununla bağlı hələlik heç bir məlumat vermək istəmirəm”.

Ekstrasens həmçinin 2025-2026 illərdə təyyarə qəzalarının çoxalacağını vurğulayıb.