“Bank of Baku” ASC bu ilin birinci rübündə ən az nizamnamə kapitalına malik bank olub. Bankın nizamnamə kapitalı 52,9 milyon manat təşkil edib ki, bu da banklar arasında rüb ərzində qeydə alınan ən aşağı göstərici olub.

Axar.az Teleqraf-a istinadən xəbər verir ki, nizamnamə kapitalının az olmasına görə "Bank of Baku"nu "Yapı Kredi Bank Azərbaycan" QSC izləyib. Bu bankın nizamnamə kapitalı 55,4 milyon manat həcmində olub ki, bu da ikinci ən aşağı göstərici olaraq qeydə alınıb.

Kapital həcmi aşağı olan digər banklar arasında "Azərbaycan Sənaye Bankı” da yer alıb. Bankın rüb ərzində nizamnamə kapitalı 60 milyon manat təşkil edib. "Ziraat Bank Azərbaycan" ASC isə 65,5 milyon manat kapitalla dördüncü sırada qərarlaşıb. "AFB bank" ASC 70,4 milyon manatlıq kapitalı ilə bu siyahıda 5-cidir.

Xatırladaq ki, rüb ərzində ən çox nizamnamə kapitalına malik bank "Azərbaycan Beynəlxalq Bank" ASC olub – 1 milyard 281,3 milyon manat.

Onu da bildirək ki, "Azər Türk Bank" ASC istisna olmaqla, 2024-cü ilin son rübündən bu yana digər bankların nizamnamə kapitallarında dinamika müşahidə edilməyib. "Azər Türk Bank" ASC-nin isə nizamnamə kapitalının həcmi birinci rübdə 29 milyon artaraq 79 milyon manat həcmində olub.