Narkotik vasitələrin qanunsuz dövriyyəsi ilə mübarizə tədbirləri çərçivəsində Türkiyə Ticarət Nazirliyi Gömrük Mühafizə Baş İdarəsinin Narkotiklərə qarşı Cinayətlərlə Mübarizə Şöbəsi tərəfindən “Dilucu” sərhəd-keçid məntəqəsində yük maşınında yoxlamalar aparılıb.

Axar.az xəbər verir ki, bu barədə Türkiyə mediası məlumat yayıb.

Yoxlamalar çərçivəsində gizlədilmiş şəkildə 691 kiloqram narkotik vasitə olan metamfetamin aşkar edilərək götürülüb.

Aşkar edilən narkotik vasitələrinin bazar dəyərinin təxminən 2 milyard 73 milyon lirə (90,382,800 Azərbaycan manatı - red.) olduğu müəyyən edilib.

Qeyd edək ki, “Dilucu” Azərbaycan-Türkiyə sərhədi üzərində yaradılmış keçid məntəqəsidir.