Ana səhifə Toplum |
İyunun 22-də Bakıda və Abşeron yarımadasında hava
şəraitinin dəyişkən buludlu olacağı, arabir tutulacağı, əsasən
yağmursuz keçəcəyi gözlənilir.
Ekologiya və Təbii Sərvətlər Nazirliyinin Milli
Hidrometeorologiya Departamentindən Axar.az-a verilən xəbərə görə,
günün birinci yarısında yarımadanın bəzi yerlərində az yağış
yağacağı ehtimalı var. Mülayim şimal küləyi əsəcək.
Havanın temperaturu Abşeron yarımadasında gecə 20-25, gündüz
29-34, Bakıda gecə 23-25, gündüz 32-34 dərəcə isti olacaq.
Sabah Azərbaycanın rayonlarında bəzi yerlərdə şimşək çaxacağı,
yağış yağacağı, dolu düşəcəyi, günün ikinci yarıısında əsasən
yağmursuz olacağı gözlənilir. Şərq küləyi əsəcək.
Havanın temperaturu gecə 20-25, gündüz 32-37, dağlarda gecə
12-17, gündüz 21-26 dərəcə isti olacaq.
Tibbi meteoroloji proqnoza gəlincə, yaxın 2 gündə Abşeron yarımadasında meteoroloji amillərin zəif və mülayim tərəddüdü meteohhəsas insanlar üçün əsasən əlverişlidir.
Tarix
2016.06.21 / 12:42
|
Müəllif
Axar.az
|