Ana səhifə Toplum |
Tovuz sakini 30 saniyədə dünyanın heç bir yerində rastlanmayan musiqi aləti hazırlayıb.
Region TV xəbər verir ki, barmaq boyda olan yeni ixtiranı Tovuz rayon Hacıhəsənli kənd sakini Süleyman Hüseynov hazırlayıb.
Özü balaca olsa da, ölçüsündən dəfələrlə böyük səs çıxarır. Bu nəfəs alətinin ölçüsü 5-7 sm, çəkisi 10 qramdır.
S.Hüseynov deyir ki, alətin hazırlanma qaydasını yuxuda görüb və onu ərsəyə gətirmək üçün 30 saniyə vaxt sərf edib: "Allah vergisi kimi, bunu öz beynimdən meşədə "keçi ağacı" deyilən bir ağac var, ondan dördkünc kəsdim və düzəltdim".
Süleyman Hüseynov hazırladığı alətə "Qamış" adı verib. Deyir ki, bu onun çörək ağacıdır. Süleyman Hüseynov sənət yoldaşı Qulu Əsədovla birlikdə istirahət zonalarına gedir və müxtəlif musiqiləri ifa edib pul qazanırlar. İxtiraçı növbəti işindən də söz açıb. Dediyinə görə, yeni musiqi aləti düzəltməyi düşünür. Yeni əl işindən fleyta və simli alətlərin də səsini ala biləcəyini iddia edir.
Tarix
2016.06.22 / 19:53
|
Müəllif
Axar.az
|