Yuxarı

“Bütöv Azərbaycan” deyən azadlıq carçısı – Axar TV

Ana səhifə Video
12 Punto 14 Punto 16 Punto 18 Punto

Qüdrətli söz ustası, Azərbaycan ədəbiyyatında öz dəst-xətti ilə tanınan Bəxtiyar Vahabzadə artıq 6 ildir ki, aramızda deyil. Mərhum şair cismani olaraq bizimlə olmasa da, onun şeirləri, poemaları, şeirlərinə bəstələnən musiqilər, bir sözlə, bizə yadigar qoyduğu zəngin irsinin yaratdığı xoş ovqat indi də ruhumuzu qanadlandırır.

O, hələ gənc yaşlarından həm poeziya, həm də ədəbiyyatşünaslıq sahəsində öz qələmini sınayıb. Xalqın keçmişini, bu gününü dərindən bilən Bəxtiyar Vahabzadə 60-cı illərdən başlayan Milli Azadlıq hərəkatının öncüllərindən biri olub. Rus və fars imperiyasının pəncəsi altında inləyən Azərbaycan xalqının azadlıq və istiqlal uğrundakı ədalətli mübarizəsinə qoşulan xalq şairi iki yerə parçalanmış Azərbaycanın tarixi faciəsini "Gülüstan" poeması ilə dilə gətirib.

Bəxtiyar Vahabzadə yaradıcılığına müraciət edən yetərincə bəstəkar şairin dərin məzmuna malik şeirlərini nota köçürərək möhtəşəm əsərlər ərsəyə gətirib.

Xalq şairi mahnıda musiqi ilə şeirin nisbətindən danışarkən bu sözləri qeyd edib: "Çox halda gözəl musiqisi olan mahnılarımızın mətni son dərəcə zəif olur. Mənasız sözlər yığınından ibarət mətnlər musiqinin təranələri içində itib-batdığından çox zaman sözlərin mənasızlığını hiss etmirik".

Bir dəfə xalq şairinə şeirlərinə yazılan mahnılar arasında "Ən çox sevdiyiniz hansıdır", - sualını verəndə, "Gecələr bulaq başı", - söyləmişdi. Elza İbrahimovanın bəstələdiyi bu mahnı Vahabzadənin o qədər xoşuna gəlirmiş ki, hətta bir dəfə Elza xanıma belə bir sual verir: "Yəni siz mənim şeirlərimi məndən də yaxşı hiss edirsiniz ki, onlara belə gö­zəl musiqilər yaza bilirsiniz? Bu necə olur?" Bəli, onların müəllifi olduğu bu unudulmaz əsər bu günümüzdə də dillər əzbəridir.

Geniş və səmərəli bədii yaradıcılığa malik olan Bəxtiyar Vahabzadə şair, ictimai xadim, həmçinin vətəndaş kimi də ana dilimizin həm təbliğatçısı, həm qoruyucusu, həm də yaradıcısı olaraq tanınır. Xalq şairi Nəriman Həsənzadə "Bəxtiyar Vahabzadə müasir ədəbi prosesdə xüsusilə fərqlənən, ədəbiyyatın taleyini, nüfuzunu öz vicdanı kimi qoruyan şairdir", - deyə bildirib.

70-dən artıq şeir kitabının, yüzlərlə məqalənin, eləcə də tarixi və müasir mövzuda 20-dən artıq iri həcmli poemanın müəllifi olan Bəxtiyar Vahabzadə yaşasaydı, bu il ömrünün 90-cı ilinə qədəm qoyacaqdı. Amma tale bu azadlıq şairini bir göz qırpımında sevdiyi xalqının əlindən aldı.

Yaşa, Azadlıq carçısı!

Tarix
2015.02.13 / 09:56
Müəllif
Ülkər Cəfərova
Şərhlər
Digər xəbərlər

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

İrəvan Fransanın oyunlarına getməməlidir! - İcma

Paşinyan separatçıları hədələdi: Bir hakimiyyət var!

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla