Məşhur "America's Got Talent" müsabiqəsində iştirak edən həmyerlimiz Üzeyir Novruzov yeni performansı ilə hər kəsi heyrətləndirib.

Baku.ws-in məlumatına görə, yarışmanın növbəti buraxılışında azərbaycanlı "Çarli Çaplin" hündür nərdivanla müxtəlif hərəkətlər edib. Üzeyir Novruzovun şousu tamaşaçılar tərəfindən alqışlarla qarşılanıb.

Təhlükəli hərəkətləri ilə diqqət çəkən azərbaycanlı bu dəfə sağ-salamat şousunu başa vurub.

Xatırladaq ki, "America's Got Talent" müsabiqəsinin son buraxılışında azərbaycanlı iştirakçı hündür nərdivandan yerə yıxılmışdı. Bu hadisədən sonra bütün zal və münsiflər heyəti həyəcanlanıb ayağa qalxmışdı.