Gülən şəbəkəsinin 15 iyul tarixində həyata keçirdiyi uğursuz çevriliş cəhdindən sonra Türkiyədə Fətullah adlı yüzlərlə kişinin adlarını dəyişdirmək üçün məhkəmələrə müraciət etdiyi məlum olub.

Axar.az xəbər verir ki, İstanbul Mülki-Hüquq Məhkəməsində hər gün bu səbəbdən iddia qaldıranların çoxaldığı bildirilib.

Adını dəyişdirmək istəyən Fətullah E. adlı şəxs bildirir ki, bu adından dolayı ailədə, dostlar çevrəsində ciddi sıxıntı yaşayır:

"Sahib olduğum ad FETÖ şəbəkəsinin lideri Fətullah Gülənin adı iə eynidir. Yüzlərlə vətəndaşımız qatili olan, Türkiyə Cümhuriyyətini məhv etməyə çalışan biri ilə eyni adı daşımaq mənim üçün dəhşətdir. Bu səbəbdən adımın Engin olaraq dəyişdirəcəyəm".