10:19

Türkiyə polisi İzmir şəhərində "Petkim" şirkətinə məxsus 4 obyektə basqın təşkil edib.

Axar.az xəbər verir ki, hazırda əməliyyat davam edir.

***

"Petkim" şirkətinin İzmirin Əliağa rayonu başda olmaqla 4 vilayətdə yerləşən ofislərində aparılan axtarış zamanı 13 nəfər saxlanılıb.

Saxlanılanlar arasında daha əvvəl şirkətdən çıxarılan işçilər də var.

Axtarış zamanı şirkətdə FETÖ lideri Fətullah Gülənə aid kitablar, elektron materiallar aşkar edilib. Bundan başqa saxlanılan şəxslərin təşkilata maliyyə yardımı etdiyi də məlum olub.

Xatırladaq ki, Fətullahçı Terror Təşkilatının (FETÖ) çevriliş cəhdi nəticəsində aparılan istintaq işi zamanı bir neçə dəfə "Petkim" şirkətində əməliyyat keçirilib. İyulun 28-də "Petkim" neft-kimya kompleksinin baş direktoru Sadəddin Qorqud saxlanılıb. SOCAR-ın Yunanıstandakı törəməsinin (SOCAR Greece) rəhbəri Anar Məmmədov holdinqin baş direktoru vəzifəsinə gətirilib.