Filippinlilərin Prezident Rodriqo Dutertenin tarixi andını pozub–pozmayacağına dair mərc etdikləri ortaya çıxıb.

Axar.az xəbər verir ki, 4791 nəfərin öldürülməsinə səbəb olan narkotiklə mübarizə əməliyyatına qarşı çıxan ABŞ-a əsəbiləşmiş Duterte andını pozub. O, qəzəblənərək Obamanın ünvanına sərt fikirlər səsləndirib:

"Cəhənnəmə yolun açıq olsun. Filippinliləri it yerinə qoyursan!"

Qeyd edək ki, Filippin Prezidenti Rodriqo Duterte Barak Obamanı təhqir edəndən sonra Tanrının istəyi ilə bir daha söyüş söyməyəcəyinə və lənətləməyəcəyinə dair xalqına söz vermişdi. Ancaq ötən həftə ABŞ Filippin dövlətinə snayper tüfəngi satmadığı üçün artıq andını bir dəfə pozmuşdu.