Ana səhifə İqtisadiyyat |
"Rəsmi Tirana bu işə razılıq vermədikcə layihənin reallaşması mümkün deyil".
Bunu Axar.az-a Bosniya və Herseqovinanın Rusiya ilə "Cənub axını" layihəsi üzrə imzaladığı razılaşmanı şərh edən Yunanıstanın Aegean Universitetinin professoru, enerji məsələləri üzrə ekspert Nikitas Nikitakos bildirib:
"Bir müddət öncə TAP və TANAP-la bağlı İstanbulda keçirilən böyük bir konfransda iştirak etdim. Düşünürəm ki, bu, Avropa üçün lazımlı bir proyektdir. Amma "Cənub axını"na gəldikdə isə burada məsələ bir qədər qəlizdir. O da doğrudur ki, Bosniya və Herseqovina artıq Rusiya ilə müqavilə imzalayıb. Amma bu razılaşma heç də layihənin reallaşması demək deyil. Balkanlarda ən önəmli ölkə Albaniya hesab edilir. Məncə, rəsmi Tirana bu işə razılıq vermədikcə layihənin reallaşması mümkün deyil. Çünki Bosniya və Herseqovinaya həmin xəttin çatması üçün Albaniya ərazisindən istifadə olunmalıdır".
Xatırladaq ki, Avropa Birliyinin Rusiyaya qarşı olan sanksiyalarına baxmayaraq, iyulun əvvəllərində Bosniya və Herseqovina Moskva ilə "Cənub axını" üzrə müqavilə imzalayıb.
Tarix
2014.07.25 / 14:34
|
Müəllif
Tural İbadov
|