Ukryanaya qarşı Rusiya tərəfindən ən real təhlükə separatçı Dnestryanı bölgədəndir.

Axar.az xəbər verir ki, bu barədə "Ukrayna" telekanalında canlı yayımlanan "Sobıtiya" verilişində Müdafiə nazirinin məsləhətçisi Aleksandr Danelyuk məlumat verib.

Onun sözlərinə görə, Ukrayna kəşfiyyatı son günlər Rusiya hərbçilərinin sürətlə Dnestryanı bölgədə cəmləşdiyi barədə dəqiq məlumatlar əldə edir. Bu da real təhlükə vəziyyəti yaradır. Danelyuk həmçinin Rusiyanın ən böyük hərbi hissələrdən olan 9-cu bölmənin Dnestryanı bölgədə mənzilləndiyini unutmamağı dilə gətirib. Bununla belə, o, hələ də sərhəd pozuntusu hallarına rast gəlinmədiyini bildirib.