Ana səhifə Planet |
Ərdoğan hökuməti Türkiyə tarixinin ən səs-küylü həbsinə hazırlaşır. Beynəlxalq birliyin sərt tənqidlərinə baxmayaraq, vaxtilə bu qüvvəni iqtidara gətirən Fətullah Gülənin əlləri indi müridi tərəfindən qandallana bilər.
Axar.az xəbər verir ki, Türkiyə, eləcə də Azərbaycan mediasının baş gündəmi olan nurçu həbsləri artıq yuxarı təbəqədə həyata keçirilir. "Xidmət hərəkatı"nın lideri F.Gülən barəsində həbs qərarının verilməsi açıq müharibə elanıdır. Gülənin həbsi nə dərəcədə mümkündür, bunu ehtimal etmək olmur. Ancaq İstanbul Prokurorluğu Gülənə ittiham irəli sürüb. İttiham aktında qeyd olunub:
1. Təhdid və ya hiylə istifadə edərək azadlıqdan məhrum etmə (TCK 109/2 maddəsi uyğun olaraq 2 ildən 7 ilə qədər həbs);
2. Böhtan nəticəsində zərərçəkmişin həbs cəzası xaricində ədli və ya administrativ bir sanksiyaya uğramasına səbəb olma (267/7 maddəsi uyğun olaraq 3 ildən 7 ilə qədər həbs);
3. "Silahlı terror təşkilatı qurma və ya idarə etmə (TCK 314/1 uyğun olaraq 10 ildən 15 ilə qədər həbs).
Bu ittihamlar sübuta yetirilsə, Güləni üst-üstə 29 il həbs cəzası gözləyir.
Tarix
2014.12.19 / 23:44
|
Müəllif
Emin Aslanlı
|