Ana səhifə Toplum |
Eks-nazirin qohumunu qətlə yetirən arvadı həbs olunsa da, cinayətdə əli olduğu deyilən qızı məsuliyyətə cəlb olunmayıb.
Axar.az-a özəl mənbədən verilən xəbərə görə, sabiq maliyyə naziri
Əvəz Ələkbərovun xalası oğlu Füzuli İsgəndərovun ölümü ilə bağlı
istintaqın nəticəsi barədə aylar əvvəl qohum-əqrəbada şübhələr
olub. Sentyabrın 1-də baş verən qətldən 9 aydan çox vaxt keçsə də,
yaxınları bu hadisənin törədənlərin kimliyini ehtimal etsə də,
sübuta edə bilməyiblər. Mənbə iddia edir ki, hazırda F.İsgəndərovun
həyat yoldaşı Xalidə İsgəndərova həbs olunub, qızı Əmanə
İsgəndərova isə saxlanmayıb. Onun 14-15 yaşlarında olduğu
bildirilir, ailədə ikinci övladdır.
Mərhumun iki qızı var. Hər ikisi F.İsgəndərovun doğma övladlarıdır
və bir dəfə evliliyi olub. Məlumata görə, qətli törədən
X.İsgəndərovanın psixoloji problemləri olub, tez-tez özündən
çıxırmış, müxtəlif hallara düşürmüş. Qatilin əvvəllər də ərinə
hücumlar etdiyi, evdə mübahisələr yarandığı söylənir. Amma mənbə
qətlin törədilməsində başqa nüansların ola biləcəyini də istisna
etmir. Hadisənin sirrinin açılmamasında, konfidensiallığın
qorunmasında hansısa səbəblər olduğu ehtimal olunur.
2014-cü il avqustun 29-da F.İsgəndərov qızına təmtəraqlı toy
etmişdi. İstintaqın ilk günlərdə ehtimal belə idi ki, qızının
toyundan iki gün sonra qətlə yetirilməsinin məqsədi soyğunçuluqdur.
Cani toyda külli miqdarda pul yığıldığı düşüncəsində olub. Odur ki,
əlbəyaxa olublar və 19 bıçaq zərbəsi ilə sabiq nazirin qohumu
öldürülüb. Hətta qatilin daha sonra evə girdiyi və F.İsgəndərovun
xanımını boğmağa başladığı, bu zaman üzündən maskası düşdüyü,
bundan sonra qadını buraxaraq qaçıb getdiyi iddia olunurdu. İndisə
məlum olur ki, mərhumun yoldaşı bu informasiyaları sızdırmaqla
məsuliyyətdən yayınırmış.
Xatırladaq ki, Nizami rayonu, Babək prospekti-17 ünvanında olub.
F.İsgəndərov evinin yanında, qarajının önündə 19 bıçaq zərbəsi
vurulmaqla amansızlıqla qətlə yetirilib. Bakı Şəhər Prokurorluğu və
Nizami Rayon Polis İdarəsi əməkdaşlarının keçirdiyi əməliyyat
zamanı X.İsgəndərova və Ə.İsgəndərova şübhəli şəxs qismində
saxlanılıblar.
F.İsgəndərov uzun illər Daşınmaz Əmlak üzrə Dövlət reyestri
Xidmətinin rəis müavini olub.
Tarix
2015.05.06 / 00:39
|
Müəllif
Emin Aslanlı
|