Türkiyə Xalq Qurtuluş Ordusunun qurucularından və öndərlərindən olan Dəniz Gəzmiş və dostları edam edildikləri saatda anılıblar.

Axar.az xəbər verir ki, Dəniz Gəzmiş, Hüseyn İnan və Yusif Aslan 43-cü ölüm günlərində Bursada adlarının verildiyi Üç fidan parkında edam edildikləri saatda yad ediliblər. Təşkil olunan anım mərasimində Nilufər bələdiyyəsi, Nilufər şəhər şurası və 68-lər Birliyi təşkilatının üzvləri qəhrəmanlarını 3 dəqiqəlik sayğı duruşu ilə yad edib.

68-lər Birliyinin təmsilçisi Betül Quyucu anım mərasimində Adnan Yücəlin "Yer üzü eşqin üzü olana qədər" şeirini oxuyub. Ardından anım mərasimində iştirak edənlər əllərindəki qərənfilləri Üç fidan abidəsinə qoyublar.

Xatırladaq ki, Dəniz Gəzmiş, Hüseyn İnan və Yusif Aslan məhkəmənin qərarı ilə 1972-ci il mayın 6-da Ankara qapalı həbsxanasında Türkiyə saatı ilə 05:30-da edam ediliblər.