İran Prezidenti Həsən Ruhani ölkəsinin Şanxay Əməkdaşlıq Təşkilatına (ŞƏT) üzv olacağını açıqlayıb.

Axar.az xəbər verir ki, Ruhani bu barədə Qırğızıstan Prezidenti Almazbek Atambayevlə görüşündə deyib. Onun sözlərinə görə, İranın təşkilata qoşulması üçün yaranan əngəllər artıq aradan qalxıb:

"İranın təşkilata üzv olmağı üçün heç bir əngəl yoxdur. Üzv ölkələr də buna müsbət yanaşır. Qırğızıstan hökumətinin müstəqillik göstəricisi olaraq ABŞ-ın Manas hərbi bazasını bağlaması bizim nə qədər yaxın fikirlərə sahib olduğumuzun göstəricisidir. İranın cənubundakı Çabahar və Bəndər Abbas limanları Orta Asiya ölkələrini və Qırğızıstanı beynəlxalq sulara çatdıra bilər".

Xatırladaq ki, qırğız liderin Tehran səfəri çərçivəsində iki ölkə arasında 8 anlaşma imzalanıb.