Heç bir ölkənin mənafeyi Türkiyənin mənafeyindən üstün deyil.

Axar.az xəbər verir ki, bu sözləri Türkiyə Baş naziri Əhməd Davudoğlu rus təyyarələrinin ölkə sərhədini pozması ilə bağlı olaya münasibət bildirərkən deyib. Davudoğlu qeyd edib ki, bu barədə Rusiya ilə danışıqlar aparılıb:

"İstəyimiz bəllidir. Heç bir ölkə sərhədlərimizi poza bilməz. Kimsə sərhədlərimizi pozarsa, əvvəlcə bunu mülayim şəkildə bildiririk. Rusiya bizim dostumuzdur. Əvvəllər aramızda heç bir problem yaşanmayıb. Məsələ ilə bağlı Rusiya dövlətinə rəsmi müraciət etdik. Onlar belə halın bir daha yaşanmayacağını dedilər. Əlavə edim ki, Suriya bizimlə sərhəd dövlətdir. Orada baş verənlər bizə də təsir edə bilər".