Fevralın 8-də "Neftçi"də və yığmadakı sabiq komanda yoldaşım Aleksandr Çertoqanovun doğum günüdür. Onun 36 yaşı tamam olur. Gəldim ki, Çertoqanovu təbrik edim. Həm də Azərbaycanda bizneslə məşğul olan serbiyalı dostlarıma baş çəkəcəyəm.

Axar.az xəbər verir ki, bunu millimizin tanınmış serbiyalı sabiq futbolçusu Branimir Subaşiç deyib.

Serb oyunçu Report-a bildirib ki, Azərbaycanda onun biznesi yoxdur:

"Sadəcə, vaxtilə dostlarıma kömək edirdim. İndi manatın üzən məzənnəyə keçidindən sonra onların da işlərində müəyyən çətinliklər yaranıb. Problemləri müzakirə edib, çıxış yolları arayacağıq. Problem süni şəkildə yaradılıb. Səbəbi isə ABŞ-Rusiya münasibətlərindən doğur".