ABŞ-ın yeni hədəfi Liviya olacaq.

Axar.az xəbər verir ki, amerikalı hərbi ekspertlər bu iddia ilə çıxış ediblər.

Ekspertlərin bildirdiyinə görə, ABŞ Hərbi Qüvvələri son dövrlər Liviya üzərində kəşfiyyat uçuşlarını artırıb:

"Pentaqon rəsmiləri Liviyada aktiv olan bəzi qruplaşmaların liderləri ilə görüşlərə başlayıblar. Çox güman ki, Pentaqon yeni hava əməliyyatları üçün hazırlıqlara başlamaq niyyətindədir. Barak Obama prezidentlik səlahiyyətləri bitmədən öncə Liviyanı əhatə edəcək yeni əməliyyatlar barədə qərar verə bilər. ABŞ bölgədə İŞİD-dən başqa fəaliyyət göstərən radikal qruplaşmalarla da mübarizə aparacaq. Bunlar Boko Haram, Əş-Şəbab və Əl Qaidə kimi terror təşkilatları ola bilər".

Qeyd edək ki, ötən ay ABŞ Baş Qərargahının sədri Cozef Dandorf ölkəsinin Liviyada qurudan hərbi əməliyyatlara başlayacağı ilə bağlı xəbərdarlıq etmişdi.