Ana səhifə Gündəm |
Ankara terrorunun YPG tərəfindən törədilməsi barədə xəbərlər yayıldıqdan sonra diqqəti PYD-dən yayındırmaq üçün PKK-ya yaxınlığı ilə tanınan "Fərat" agentliyi hücumun TAK təşkilatı tərəfindən törədildiyini açıqlayıb və "terrorçunun" şəklini yayıb.
Axar.az xəbər verir ki, terror təşkilatına yaxınlığı ilə seçilən bir internet saytında hücumu reallaşdıran şəxsin Əbdülbaki Sönməz olduğu iddia edilib və terrorçuya məxsus fotoşəkil paylaşılıb.
Lakin təşkilatın paylaşdığı şəklin gerçək olmadığı aydnlaşıb. Fotoşop proqramı ilə düzəldilən görüntünun Şəfəq İnan adlı jurnalistə məxsus olduğu təsbit edilib.
Digər tərəfdən terror təşkilatının fotoşəkildə şəxsin bədəninin baş qismini bütöv dəyişdirib. Bundan başqa rənglərin qeyri-peşəkarlıqla seçilməsi fotonun saxta olduğunu sübut edir.
Türkiyə mediasına açıqlama verən Şəfəq İnan həmin fotoşəkildən uzun illərdir istifadə etdiyini deyib:
"Həmin fotoşəkili 2010-cu ildən bəri bütün köşə yazılarımda istifadə edirəm. Qəsdən seçildiyimi düşünürəm".
Xatırladaq ki, fevralın 17-də Ankarada törədilən terror aktı nəticəsində 29 nəfər ölüb, 61 nəfər isə yaralanıb.
Tarix
2016.02.20 / 13:57
|
Müəllif
Şəmsəddin Ənsar
|