İlin əvvəlindən Başqırdıstan Respublikasında qanunsuz olaraq yaşayan 236 miqrant məcburi qaydada Rusiya ərazisindən xaric edilib.

ANS-in verdiyi məlumata görə, onların arasında 17 Azərbaycan vətəndaşı da var.

Deportasiya edilənlərin əksəriyyəti Özbəkistan (139) və Tacikistan (44) vətəndaşlarıdır. Onların sırasında həmçinin Qırğızıstan, Türkiyə, Nigeriya, Vyetnam, Fələstin və başqa dövlətlərin nümayəndələri də var. Ümumilikdə ötən il ərzində Rusiya ərazisindən 26 Azərbaycan vətəndaşı çıxarılıb.

Rusiya mətbuatının yazdığına görə, daha 3 azərbaycanlı Rusiyanın Samara şəhərindən deportasiya edilib. Buna səbəb kimi onların miqrasiya qanunlarını pozduqları göstərilib.