Məhəmməd Əliyə Allahdan rəhmət diləyir, sevənlərinə isə başsağlığı verirəm.

Axar.az xəbər verir ki, bu sözləri Türkiyənin Milliyəçi Hərəkat Partiyasının (MHP) lideri Dövlət Baxçalı deyib.

"İllər əvvəl bu sözləri oxumuşdum: "Xəyalları olmayan insanın qanadları yoxdur. Ağlım kəsir və ürəyim istəyirsə, bacara bilərəm". Bu dərin mənalı sözlər əfsanəvi boksçu Məhəmməd Əliyə aiddir. Kəpənək kimi uçub, arı kimi çaldığı vaxtlar idi. O, yuxularını reallaşdırmaq üçün öncə oyandı, sonra isə fasiləsiz uğura doğru addımladı. Haqsızlığa boyun əymədi. Dərisinin rəngini müzakirə edənləri yumruqları ilə susdurdu. Rinqlərdə dayanmadan ucaldı. Çempion 74 yaşında gözlərini yumdu. Allah rəhmət eləsin", - Baxçalı bildirib.