2016-cı ildə bəzi Avropa ölkələrində miqrantlara qarşı alçaldıcı hərəkətlər, islamofobiya ilə bağlı artıq açıq-aşkar aqressiv siyasət ifrat həddə çatdı.

Axar.az xəbər verir ki, bu sözləri Prezident İlham Əliyev Nazirlər Kabinetinin 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunan iclasında deyib. Prezident vurğulayıb ki, məhz belə bir məqamda “Multikulturalizm ili” elan etmək və onu ləyaqətlə sona çatdırmaq bir daha Azərbaycanın həyata keçirdiyi siyasəti, gücünü, niyyətimizi göstərir.

“Azərbaycan dünya miqyasında multikulturalizmin mərkəzidir” – deyən İlham Əliyev Azərbaycanın nəinki ölkə daxilində millətlərarası, dinlərarası münasibətləri ən yüksək səviyyədə tənzimlədiyini, həmçinin dünyaya da nümunə göstərdiyini vurğulayıb.

Dövlət başçısı “Multikulturalizm alternativsiz bir hərəkat olmalıdır” deyə xüsusi olaraq qeyd edib.