Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
24 Fevral 2018


Abramyanın yubileyini keçirən Moskva ÜAK-ı ləğv etməklə...

Ana səhifə Gündəm
12 Punto 14 Punto 16 Punto 18 Punto

Ümumrusiya Azərbaycanlıları Konqresinin (ÜAK) qeydiyyatının ləğvi ədalətsiz bir yanaşmadır və kəskin qınayırıq. Bu qərar eyni zamanda Azərbaycan-Rusiya münasibətlərinə mənfi təsir göstərəcək bir hadisədir.

Bu sözləri Axar.az-a açıqlamasında millət vəkili Qənirə Paşayeva deyib. Rusiya Ali Məhkəməsinin ÜAK-ın qeydiyyatını ləğv etməsinin yaratdığı gərginliyə toxunan Q.Paşayeva bildirib ki, Rusiya Ədliyyə Nazirliyinin təşkilatın bağlanılması üçün çalışması təəssüf doğurur:

“Rusiya Erməniləri İttifaqının rəhbəri Ara Abramyanın 60 illik yubileyi ilə əlaqədar böyük tədbir keçirən Moskva bu ölkədə yaşayan azərbaycanlılara və Azərbaycana bu cür münasibət göstərirsə, bu, artıq Rusiyadan bir daha ATƏT-in Minsk Qrupunun həmsədrlərindən biri kimi heç bir zaman ədalətli mövqe gözləməyin mümkünsüz olduğunu ortaya qoyur. Rusiya çoxmillətli dövlətdir və orada yaşayan xalqların da birləşdiyi qurumlar var. ÜAK-ın ləğvi Rusiyada hansısa bir xalqın diaspor təşkilatının bağlanılması ilə nəticələnən ilk addımdır və orada yaşayan azərbaycanlıları da ciddi şəkildə narahat edəb bir hadisədir. Bu addımı atanlar Azərbaycana və ya azərbaycanlılara hansısa maraqlar üçün təzyiq etdiyini düşünə bilər, amma Azərbaycan və azərbaycanlılarda bu qərarın nə qədər hiddət doğurduğunun fərqində belə deyillər bəlkə də. Çünki bütün azərbaycanlılar bu qərarın siyasi bir addım olduğunu anlayır”.

Buna baxmayaraq, millət vəkili Rusiyanın bu məsələləri ətraflı araşdıracağına və ÜAK-ın ləğvi ilə bağlı qərarını dəyişəcəyinə ümid etdiyini də bildirib:

“Bu məsələdə erməni faktorunun təsirinə gəlincə, təbii ki, var, çünki onlar hər zaman Azərbaycan və azərbaycanlılar əleyhinə aktiv fəaliyyət göstərir və Moskvanın rəsmi dairələrində olan antiazərbaycan qüvvələri ilə ciddi işbirliyi qururlar. Amma burada məsələ daha ciddidir”.

Q.Paşayeva Rusiyadan belə bir addımı hər zaman gözlədiyini də dilə gətirib:

“Şəxsən mən hər zaman onlardan bu cür addımlar gözləyirəm. Çünki Rusiya əksər hallarda bu ölkədə yaşayan azərbaycanlılara və Azərbaycana münasibətdə ədalətli mövqe sərgiləmir. Ümid edirəm ki, bu ölkədə yaşayan azərbaycanlılar Ədliyyə Nazirliyinin bu qərarının ədalətsiz olması ilə bağlı daha yuxarı məhkəmə instansiyalarına və Rusiya rəsmilərinə müraciətlərini davam etdirəcək və özəlliklə bu ölkədəki tanınmış azərbaycanlılar bu qərarın ləğvi üçün fəallıqlarını daha da artıracaqlar”.

Tarix
2017.05.18 / 21:58
Müəllif
Axar.az
Şərhlər
Digər xəbərlər

Bu yalanları əsla qəbul etməyəcəyik – Millət vəkili

Bakı İrana körpü tikir, 500 milyon kredit verirsə... – Politoloq

Kreml gizli büdcəni bura xərcləyir: yeni dünya savaşı

ABŞ Rusiya və Türkiyəyə mane ola bilməyəcək – Ekspert

Raykom niyə mitinqdə öndə gedirdi? - Sumqayıt hadisəsi

Azərbaycan vətənimiz, Qarabağ... – Türk Ülkü Ocaqları

150 min azərbaycanlı deportasiya olunub... - İtaliya mediası

Seçkiqabağı Ermənistanın nağılbazlığı... - XİN

Çala-çuxurlar necə qəza şəraiti yaradır... - Ekspert

İsrail mediası: Xocalıda ədalət anı nə vaxt yetişəcək?

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla