Mən xoşbəxt ana və aktrisayam. Bir qadın kimi isə xoşbəxt ola bilmədim. İnsan həyatda hərtərəfli xoşbəxt ola bilməz. Xoşbəxtlik başqa şeydir. Mən onu filmlərdə, rollarda oynamışam. Orada onun nə olduğunu hiss etmişəm.

Bu sözlərin müəllifi Azərbaycanın xalq artisti, sevimli aktrisa Həmidə Ömərovadır.

O, 1957-ci il aprelin 25-dəBakıda müəllim ailəsində anadan olub. 1975-1979-cu illərdə Ümumittifaq Dövlət Kinematoqrafiya İnstitutunun aktyorluq şöbəsində təhsil alan Həmidə xanım 1979-1993-cü illərdə C.Cabbarlı adına “Azərbaycanfilm” kinostudiyasında çalışıb.

Bu illər ərzində aktrisa “Babamızın babasının babası” filmində Zeynəb, “Şirbalanın məhəbbəti”ndə Nazlı, “Anlamaq istəyirəm”də Çinarə, “Yol əhvalatı”nda Zümrüd və başqa maraqlı rolları ifa edib.Həmidə Ömərovafilmlərə çəkilməklə yanaşı, 500-dən artıq bədii filmin dublyajı və səsləndirilməsində də iştirak edib.

Daha ətraflı Axar TV-nin təqdim edəcəyi süjetdə: