22:50

Bu gün UEFA Çempionlar Liqasının pley-off mərhələsinə yekun vurulur.

Axar.az xəbər verir ki, təmsilçimiz “Qarabağ” səfərdə “Kopenhagen”in qonağıdır.

Ağdam klubu Bakıdakı ilk oyunda 1:0 hesablı qələbə qazandığından səfərə üstün yollanıb. Çempionumuz qol vuracağı halda, istənilən minimalhesablı məğlubiyyət də mərhələ adlamağa imkan verəcək.

Belə bir hal yaşanarsa, "Qarabağ" Çempionlar Liqasının qrup mərhələsinə yüksələn ilk Azərbaycan klubu kimi tarixə düşəcək.

23:31

"Kophenagen"in oyunçusu Santander matçın 45-ci dəqiqəsində hesabı açdı: 1-0.

00:09

"Qarabağ" matçın 63-cü dəqiqəsində Ndlovun qolu ilə hesabı bərabərləşdirdi. Ancaq 3 dəqiqə sonra "Kophenagen" Pavloviçin qolu ilə komandasını yenidən hesabda irəli çıxardı: 2-1.

00:36

"Qarabağ" Azərbaycan klubları tarixində ilk dəfə olaraq Çempionlar Liqasının qrup mərhələsinə yüksəldi.