Rusiya iqtisadi böhranın öhdəsindən gələ bilib.

Axar.az xəbər verir ki, bunu “Soçi-2017” forumunda çıxışı zamanı Rusiya Federasiyasının Baş naziri Dmitri Medvedyev söyləyib. O, həmçinin ölkənin ümumi daxili məhsulunun azalmasının dayandığını bildirib.

Qeyd edək ki, Qərb ölkələrinin Rusiyaya iqtisadi sanksiyaları və neftin ucuzlaşması ölkənin vəziyyətini çətinləşdirib. Nəticədə əhalinin alıcılıq qabiliyyəti azalıb.

Rusiya Statistika Komitəsinin 2016-cı ilin yanvarında yaydığı məlumata görə, ölkə ərazisində 20,3 milyon nəfər yoxsulluq həddində yaşayır. Bu isə əhalinin 13,9%-ni təşkil edir. 2014-cü ildə Rusiyadan kapital axını 153 milyard, 2015-ci ildə isə 58,1 milyard dollar təşkil edib.