Ana səhifə İqtisadiyyat |
Ölkə prezidentinin fərmanlarından irəli gələrək gələn il ölkədə investisiya xərcləri nəticəsində 21 mindən çox yeni iş yeri açılacağı proqnozlaşdırılır.
Axar.az xəbər verir ki, bu sözləri İqtisadiyyat naziri Şahin Mustafayev Milli Məclisdə 2019-cu il büdcə layihəsinin müzakirəsi zamanı deyib.
Onun sözlərinə görə, gələn il dövlət büdcəsində qeyri-neft sektorunun payının 3.6 faiz artımı proqnozlaşdırılır.
“Neftin bir barreli uzunmüddətli proqnoza əsasən, 60 dollar müəyyən edilib. Gələn il investisiya xərcləri əsasən dəmir yollar, avtomobil yollarının təmiri, yeni kənd yollarının çəkilməsi, ölkənin enerji istehsalının təmin edilməsi, təhsil, səhiyyəyə yönəldiləcək. İnvestisiya xərcləri nəticəsində 21 mindən çox yeni iş yerinin açılması nəzərdə tutulur. Bununla yanaşı 181 istehsal müəssisəsinin fəaliyyəti başlayacağı proqnozlaşdırılır ki, bu 19 min yeni iş yerinin açılmasına imkan yaradacaq. Qeyri-neft sektorunun dövlət büdcəsində payının 3.9 faiz artması proqnozlaşdırılır”.
Tarix
2018.11.13 / 14:19
|
Müəllif
Axar.az
|