Yanvarın 29-da Xəzər Universitetində Avrasiya Akademiyasının rəsmi açılışı və "Avrasiya Əfsanəsi" kubokunun təqdim olunması mərasimi keçirilib.

Axar.az xəbər verir ki, mərasimdə məşhur alimimiz Rafiq Əliyev, xalq yazıçısı Anar, şair Ramiz Rövşən, xalq şairi Sabir Rüstəmxanlı, xalq artisti Flora Kərimova, sabiq təhsil naziri Misir Mərdanov və Avropa, Asiya və Amerikanın müxtəlif ölkələrindən görkəmli elm, ədəbiyyat və incəsənət xadimləri, hökumət və Milli Məclis üzvləri, səfirlər iştirak ediblər.

Qeyd edək ki, dünya şöhrətli alimimiz Lütfi Zadə, professor Halil İnalcık, Mahmud Qazi Yaşargil, bəstəkar Arif Məlikov və professor Hamlet İsaxanlı Avrasiya Akademiyasının qurucularıdır.

Akademiyanın əsas məqsədi elmi və sənəti yanaşı tutan, hər ikisinin inkişafına töhfə verən, hər iki sahədə böyük işlər görən insanları qiymətləndirməkdir.