Türkiyədə ilk şəhər xəstəxanasının inşası tamamlanıb. Bununla da Türkiyə Prezidenti Rəcəb Tayyib Ərdoğanın 14 illik xəyalı həyata keçib.

Axar.az xəbər verir ki, bu barədə ötən ilin oktyabr ayında danışan Türkiyə Prezidenti Rəcəb Tayyib Ərdoğan şəhər xəstəxanalarının inşasının 14 illik xəyalı olduğunu bildirmişdi.

Türkiyənin Yozqat şəhərində fəaliyyət göstərəcək şəhər xəstəxanasının açılışı sabah baş tutacaq.

Ərdoğan ötən il verdiyi açıqlamada bunları qeyd etmişdi: "21 şəhərdə şəhər xəstəxanalarının layihəsi hazırlanıb. Şəhər xəstəxanaları mənim 14 illik xəyalımdır. Heç də asan proses olmadı, inanmayanlar da oldu, ancaq sonda alındı".