Rusiya Prezidenti Vladimir Putin prezident seçkilərinin nəticələri ilə bağlı Rusiya vətəndaşlarına müraciət edib.

Axar.az xəbər verir ki, prezidentin çıxışı “Rossiya 24” telekanalı vasitəsilə canlı yayımlanıb.

“Əziz dostlar, Mərkəzi Seçki Komissiyası bu gün seçkilərin yekun nəticəsini açıqlayıb. Hazırkı dövlət başçısına 56 milyondan çox vətəndaş səs verib”, - Putin bildirib.

Putin əldə olunan nəticənin prezident seçkiləri tarixindəki ən yüksək dəstək göstəricisi olduğunu açıqlayıb.

Onun sözlərinə görə, 18 mart tarixində ona göstərilən bu dəstək vaxtında və vacib olub. Ölkə başçısı seçicilərə ona etimad göstərdikləri üçün təşəkkür edib və birlikdə uğura nail ola biləcəklərinə inandığını deyib.

Putin seçkiqabağı təbliğat kampaniyasında vəd olunan hər şeyin həyata keçiriləcəyini qeyd edib.

Kremldən andiçmə mərasiminin tarixinin bir qədər sonra açıqlanacağı bildirilib.