2018.09.21, 00:07

ABŞ Dövlət Departamentinin sanksiyalar siyahısına yeni əlavə etdiyi Rusiya vətəndaşları və şirkətlərinin adları bəlli olub.

Axar.az xəbər verir ki, yeni siyahıda Rusiya Prezidenti Vladimir Putinə yaxınlığı ilə seçilən biznesmen Yevgeni Priqojinin də adı yer alıb. Rusiya Baş Kəşfiyyat İdarəsinin rəhbəri İqor Korobov və müavini Sergey Qizunovun da adı siyahıya daxil edilib.

Adları siyahıya əlavə edilən şirkətlər sırasında isə Rusiya Müdafiə Nazirliyinin “Oboronlogistika” və Komsomolsk na Amuredə yerləşən aviasiya zavodu da yer alıb. Siyahıya həmçinin Rusiyanın ümumiyyətlə mövcudluğunu rədd etdiyi “Vaqner” özəl hərbi şirkətinin adı da əlavə edilib.

Qeyd edək ki, Dövlət Departamenti dünən Rusiyanın 27 vətəndaşını və 6 şirkətini qara siyahısına daxil edib. Ağ Ev nümayəndələri sözügedən sanksiyaların tətbiqi ilə bağlı səlahiyyətlərin ABŞ Dövlət Katibliyinə verildiyini bildiriblər.