Rusiyanın Tacikistandakı hərbi bazası gücləndirilmiş iş rejiminə keçib.

Axar.az xəbər verir ki, bu barədə bazanın komandir köməkçisi Vladimir Aleksandrov məlumat yayıb. Onun sözlərinə görə, keçid məntəqəsində terakt həyata keçirməyi planlaşdıran İŞİD üzvlərinin saxlanılması ilə bağlı xüsusi xidmət orqanlarının yaydığı məlumatdan sonra belə qərar verilib:

“Biz hələ ki, Tacikistanın xüsusi xidmət orqanlarıdan hər hansı informasiya almamışıq. Lakin məlumatın internetdə yayılmasından sonra baza komandiri gücləndirilmiş iş rejiminə keçilməsi barədə əmr verdi. Görülən işlər barədə çərşənbə axşamı səhər saatlarında məlumat veriləcək”.

Qeyd edək ki, az öncə Tacikistan xüsusi xidmət orqanları Rusiyanın bu ölkədəki hərbi bazasında terakt həyata keçirmək istəyən 12 İŞİD üzvünü yaxaladığını açıqlayıb.