Bir çoxları hansısa xəstəliyə tutulduqda həkimə getmək əvəzinə həkimlərə müraciət edərək vatsapla resept göndərməsini xahiş edirlər.

Son zamanlar xəstələrin bir çoxu müayinədən keçmədən müalicəni həkimlərin votsapla yazdığı dərmanlarla edirlər. Bu isə dəqiq diaqnoz qoyulmasına mane olur və həmin insanların həyatını təhlükə qarşısında qoyur. Həkimlərin bir çoxu bu cür müalicə üsulunun hətta insanların həyatı bahasına başa gələcəyini düşünürlər.

Xəstə adətən həkimə xəstəliklə bağlı qısaca məlumat verir, həkim isə xəstəni nəinki müayinə etmədən, üzünü belə görmədən ona dərman yazır. Bu isə votsapla göndərilən reseptin təyinata uyğun olmamasına, nəticədə isə həmin şəxslərin sağlamlığına ciddi təhdid yaratmasına səbəb olur. Vətəndaşların bir çoxu belə müalicə üsulunun ciddi problemlərə səbəb ola biləcəyini düşünürlər.

Həkimlər də bir çox pasiyentlərin bu şəkildə müalicə almaq üçün onlara müraciət etdiklərini təsdiqləyir. Ancaq həkimlərin də əksəriyyəti belə düşünür ki, bu cür müalicə üsulu əslində ciddi sağlıq problemlərinə gətirib çıxara bilər.

Axar.az Xəzər Xəbər-in mövzu ilə bağlı ətraflı videomaterialını təqdim edir: