Mənim kar olmaq şansım yoxdur, çünki Azərbaycanda yaşayıram. Atalarımız deyib ki, qulaq hər gün təzə bir söz eşitməsə, kar olar.

Axar.az xəbər verir ki, bu sözləri jurnalist, "Park Bulvar"ın piar meneceri Günay Malikqızı rəsmi Feysbuk səhifəsində sığortalı xəstələri müayinə etməyən həkimlər haqda yazıb. O, həmin həkimləri qınayaraq, dünya səhiyyə sistemindən misal gətirib:

“Deməli, bu gün eşitdim ki, filan həkim sığortalı xəstələrə baxmır. Bu, nə deməkdir? Bu gün dünya tibb sistemi sığortalı xəstələrin gəlirinin əsasında yaşayır. Dünyada sığortalı olmaq daha prestijli hesab olunur. Burada hansısa həkim sığortalı xəstəyə baxmır. Nə haqla? Mənim ödədiyim vergi ilə əmək haqqı alan həkim “sığortalı, sığortasız” deyə seçim etməməlidir”.