Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
16 İyul 2018


Uşaqlar təhlükədə: xərçəng yaradan oyuncaqlar - Ekspert

Ana səhifə Sağlıq
12 Punto 14 Punto 16 Punto 18 Punto

Oyuncaqlar standartların tələblərinə uyğun deyilsə, uşaqların müxtəlif xəstəliklərə yoluxmasına gətirib çıxara bilər. Bəzən kütləvi ticarət şəbəkələrində, mağazalarda, topdansatış mərkəzlərində Çindən gətirilən keyfiyyətsiz uşaq oyuncaqlarının satıldığını müşahidə edirik.

Bu sözləri Axar.az-a açıqlamasında Standartlaşdırma, Metrologiya və Patent üzrə Dövlət Komitəsinin sözçüsü Fazil Talıblı keyfiyyətsiz və uşaqların sağlamlığına ciddi təhlükə törədən oyuncaqlar barədə danışarkən söyləyib. O bildirib ki, komitə tərəfindən mütəmadi olaraq Çin istehsalı olan oyuncaqların keyfiyyəti haqqında valideynlərə məlumatlar verilir:

“Bir neçə il bundan öncə uşaq oyuncaqlarının laboratoriyada yoxlanılması zamanı xeyli sayda məhsulun tərkibində ağır metalların, kansoregen maddələrin, toksiki elementlərin olduğu aşkar edilib və həmin oyuncaqların satışdan çıxarılması ilə bağlı müvafiq tədbirlər görülüb”.

F.Talıblı qanunvericiliyin tələbinə əsasən, uşaq oyuncaqlarının məcburi sertifikasiyadan keçirilməli olduğunu deyib:

“Qanunvericiliklə nəzərə tutulmuş qaydada məhsullarını yoxlamadan keçirməyən sahibkarlar İnzibati Xətalar Məcəlləsinin müvafiq maddələri ilə məsuliyyətə cəlb oluna bilərlər. İstənilən sahibkar satışa çıxarmazdan əvvəl mütləq həmin sertifikatlaşdırma orqanlarına müraciət edib məhsullarının keyfiyyətini, təhlükəsizliyini yoxlatmağa borcludur. Sertifikasiyanı akreditasiya edilmiş orqanlar həyata keçirir. Yəni komitə sertifikasiya ilə məşğul olmur.

İnzibati Xətalar Məcəlləsinin tələbinə əsasən, standartların tələblərinin pozulmasına görə fiziki şəxslər 1500-2000, hüquqi şəxslər üçün isə 4000-5000 manat məbləğində cərimə nəzərdə tutulub”.

Ekspert bildirib ki, valideynlər övladlarına oyuncaq alarkən onun keyfiyyətini müəyyənləşdirməkdən ötrü öncə xarici görünüşünə fikir verməlidirlər:

“Oyuncağın tikişlərinin möhkəm olmasına, tüklərinin tökülməməsinə, metal və ya rənglidirsə, onların rənginin getməməsinə diqqət yetirməlidirlər. Çünki körpələr oyun zamanı oyuncaqları ağızlarına aparırlar. Belə hallardan sığortalamaq üçün valideynlərə oyuncaq alarkən mağazadan sertifikat tələb etmələri tövsiyyə olunur”.

Qeyd edək ki, bir müddət əvvəl Türkiyədə Çindən gətirilən 19 ton uşaq oyuncağı tərkibində ağır metallar və kanserogen maddələr aşkar edildiyinə görə İstanbul polisi tərəfindən müsadirə edilib. Laboratoriya şəraitində aparılan yoxlama nəticəsində bəlli olub ki, oyuncaqların rənglənməsində istifadə olunan boya dəri və gön məmulatlarının rənglənməsində istifadə olunur.

Tarix
2017.12.08 / 08:15
Müəllif
Büllurə Yunus
Şərhlər
Загрузка...
Digər xəbərlər

Dəniz suyu uşaqlarda bu xəstəlikləri yaradır - Təhlükə

Piy əridən 5 məhsulun adı açıqlandı

Qırışlara qarşı təbii maskalar...

Azərbaycanda insanlar ən çox hansı səbəbdən ölür?

Bu gözəl balanın köməyinizə ehtiyacı var - Foto

İsti havada soyuq su içmək ona görə ziyandır ki...

Diqqət! Dənizdə bu xəstəliklərə yoluxa bilərsiniz

Tibb ixtisası üzrə plan yerinin kəskin azalması... – Ekspert

Fazil Məmmədovun səhhəti ilə bağlı - Yeni xəbər

Rəşid Mahmudov əməliyyat olundu - Foto

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla