Ana səhifə Toplum |
Dünəndən başlayan yağış nəticəsində Bakıda bir neçə ev suyun altında qalıb.
Fövqəladə Hallar Nazirliyindən Axar.az-a verilən məlumata görə, hadisə ilə əlaqədar olaraq Nərimanov rayonu ərazisində evdən çıxması çətinləşmiş 5 nəfərə müvafiq köməklik göstərilib.
Bundan başqa Binəqədi rayonunda analoji vəziyyətlə üzləşmiş 2 nəfərə də yardım göstərilib.
Musavat.com isə xəbər verir ki, gecə yağan yağış Bakının Səbail rayonunda bir evin uçmasına səbəb olub. Hadisə vaxtı həmin mənzildə heç kəsin olmaması faciənin qarşısını alıb.
Bəşir Səfəroglu 152 ünvanında yerləşən vətəndaşa məxsus fərdi yaşayış evi qəfildən çökməyə başlayıb. Bunu görən ətrafdakı insanlar Fövqəladə Hallar Nazirliyinə məlumat veriblər. Hadisə yerinə nazirliyini xüsusi riskli xilasetmə xidmətinin əməkdşları cəlb olnub. Bundan əlavə dağıntılar alında insanların qalması ehtimal olunduğundan əraziyə xüsusi təlim keçmiş itləri gətirilib.
Hadisə yerinə ilk baxış keçirilən zaman məlum olub ki, çökən 1 mərtəbəli tikilidə yaşayış olmayıb. Verilən məlumata görə, çökən fərdi yaşayış evində uzun müdətdir ki, heç kim məskunlaşmır. Hadisəyə səbəb kimi yağan güclü yağış göstərilir.
Tarix
2014.11.03 / 09:42
|
Müəllif
Axar.az
|