Madaqaskar adası yaxınlığında 17 ay əvvəl qəzaya uğramış və 239 nəfərin ölümü ilə nəticələnən təyyarəyə məxsus hissələr tapılıb.

Axar.az xəbər verir ki, təyyarə qalıqları Madaqaskarın şərqində yerləşən, Fransaya məxsus Reyunyon adası yaxınlığında aşkar olunub. Mütəxəssislər uzunluğu iki metrə çatan hissənin təyyarənin qanadına aid olduğunu bildirib.

Xatırladaq ki, Malayziyanın paytaxtı Kuala Lampurda 239 sərnişinlə Pekinə üçan təyyarə 8 mart 2014-cü il tarixdə Cənubi Çin dənizi üzərində yoxa çıxmışdı. Malayziya Hava Yollarına aid MH 370 səfər saylı təyyarənin aqibəti haqda indiyədək dəqiq məlumat yoxdur.