Hindistanın ən böyük avtomobil firmalarından olan "Tata Motors"Amerika qitəsində yayılan zika virusu səbəbindən "Zika" modelinin adını dəyişdirəcək.

Axar.az xəbər verir ki, firmanın rəsmi internet səhifəsində verilən məlumata görə, sözügedən avtomobilin təqdimatı sabah paytaxt Dehlidə baş tutacaq. Bir neçə həftə ərzində isə modelin adı dəyişdiriləcək.

Qeyd edək ki, Hindistanın ən çox tanınan və ən böyük şirkətləri arasında yer alan "Tata Holdinq"ə "Tata Motors" da olmaqla 100-dən çox şirkət daxildir. "Tata Motors"un istehsal etdiyi avtobus, yük maşını və avtomobillər Asiya, Avropa, Afrika, Yaxın Şərq, Cənubi Amerika və Rusiya kimi ölkələrdə geniş istifadə olunur.