Rusiya BMT-nin himayəsi altında elektron hücum etməmə haqqında pakt imzalayacaq.

Axar.az xəbər verir ki, jurnalistlərə açıqlamasında Rusiya Baş Qərargahının 8-ci idarəsinin rəisi Yuri Kuznetsov söyləyib. Onun sözlərinə görə, bu pakta əsasən, hər kəs dinc şəraitdə mühüm informasiya resurslarına edilən virtual hücumları dayandırmalıdır:

"Cəmiyyətlərin qlobal informasiyalaşdırılması imkan verir ki, informasiya texnologiyalarından dövlətlərdə sosial şəraitin destablizasiyasını həyata keçirmək üçün istifadə edəsən. Aparıcı ölkələr bu sahədə hüquqi tənzimləmənin əhəmiyyətini anlayırlar. Bu sahədə ilk belə addım həmin paktın imzalanması olacaq".

Qeyd edək ki, hazırda dünyada ən güclü kiber orduya üç ölkə - ABŞ, Rusiya və Çin malikdir. ABŞ bundan öncə dəfələrlə Çin, Rusiya və İrandan olan hakerlərin ölkənin əsas informasiya mərkəzlərinə kiberhücumlar təşkil etdiyini bildirib. Moskva isə ABŞ-ı özünün imkanlarından yararlanaraq, bəzi ölkələrdə destablizasiya yaratmaqda günahlandırıb.