Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 Yanvar 2019


Avropa Oyunlarına biletləri necə almaq olar?

Ana səhifə Bakı 2015
12 Punto 14 Punto 16 Punto 18 Punto

Bakıda I Avropa Oyunlarının başlanmasına 35 gün qaldı. Artıq idman yarışlarının biletləri satışa çıxarılıb. Oyunlara tamaşaçı qismində qatılmaq istəyənlərin əsas qayğısı biletləri haradan və necə əldə etməkdir.

"Yeni Müsavat" I Avropa Oyunları yarışlarını izləmək istəyənlər üçün bilet əldə etməyin yollarını təqdim edir.

Əvvəlcə onu qeyd edək ki, bilet olmadan heç bir yarışı izləmək mümkün deyil. Yalnız 16 yaşdan kiçik uşaqlar bəzi idman yarışlarına biletsiz buraxıla bilər.

Bəs biletləri haradan və necə almaq olar?

Bilet alışını baku2015.com saytının "bilet" bölməsindən onlayn əldə etmək mümkündür. Bu zaman biletin pulu tam şəkildə kredit kartı vasitəsilə ödənilməlidir.

Azərbaycan tamaşaçıları Visa, VisaElectron, MasterCard, Maestro, American Expresskartlarından istifadə etməklə bilet əldə edə bilərlər.

Bütün onlayn bilet alıcıları "şanslı qalib" olmaq imkanı qazana bilər və Oyunların Tərəfdaşlarından qeyri-adi hədiyyələr əldə edə bilərlər. "Şanslı qalib" lotereyası yalnız 16 yaşında və ondan yuxarı yaşda olan Azərbaycan Respublikası vətəndaşları üçün nəzərdə tutulub.

Onlayn alınan biletlərin biletlərin çatdırılma xidməti yoxdur. İnternet üzərindən alınan biletlər tədbirdən öncə bilet alışının təsdiqi formasını təqdim etməklə götürülməlidir.

Onlayn bilet almaq imkanı olmayanlar isə biletləri hazırda Rəsmi Şəhər Bilet Satışı Məntəqələrindən və 12 iyundan etibarən Yarış Obyektinin Bilet Satışı Kassalarından əldə edə bilərlər. Artıq şəhər mərkəzində yerləşən 12 Şəhər Bilet Satışı Məntəqəsi Bakı 2015 Avropa Oyunları üçün biletlərin satışına artıq başlayıb. "Yeni Müsavat" siyahını təqdim edir.

1. Park Bulvar Ticarət Mərkəzi- Neftçilər prospekti

2. 28 Mall Ticarət Mərkəzi - Nəsimiqəs. Azadlıq pros. və Fizuli küç. kəsişməsi

3. Metro Park Ticarət Mərkəzi - Nərimanov qəs.,Təbriz küç. 106 A

4. Kassa - Heydər Əliyev adına Saray - Bülbül pros. 35

5. Köşk - Azərbaycan kinoteatrı - Ə.Əlizadə küç. 7

6. Köşk – Nizami küçəsi – Nizami küç. və Bülbül pros. kəsişməsi

7. Köşk – Azadlıq Meydanı – Üzeyir Hacıbəyov küç. 69

8. Kassa - ASAN XidmətYasamal - Abbas Mirzə Şərifzadə, 157

9. McDonald's – Neftçilər - Q.Qarayev pros. 59

10. McDonald's – Əhmədli- M.Hadi və Çapayev 2322

11. McDonald's – Fəvvarələr Meydanı – Nizami küç. 340

12. Tofiq Bəhramov adına Respublika Stadionu (15 maydan etibarən) -F.Xoyski pros. 98 A

Qeyd edək ki, 16 yaşından aşağı olan uşaqlar əksər yarış sessiyalarına pulsuz girmək hüququna malikdirlər. Lakin yarış obyektlərinə daxil olmaq üçün 3 apreldən etibarən hər hansı satış məntəqəsində uşaqlar üçün xüsusi pulsuz bileti əldə etmək lazımdır. Bu pulsuz biletlər Şəhər Bilet Satışı Məntəqələrindən və Yarış Obyektlərinin Kassalarindan doğum haqqında şəhadətnaməni göstərməklə əldə edilə bilər.

Yarışların keçirildiyi məkanlara gələrkən lazımi sənədləri götürməyi unutmaq olmaz:

1. Biletin üzərində göstərilmiş tarixə uyğun yarış sessiyasında və ya tədbirdə iştirak etmək üçün bütün bilet sahibləri etibarlı bilet və foto şəkili olan şəxsiyyət vəsiqəsini təqdim etməlidir.

2. 16 yaşdan aşağı bütün uşaqlar (28.06.1999 və ya sonra doğulmuş), foto şəkili olan etibarlı şəxsiyyət vəsiqəsi və biletə sahib olan yetkin şəxslə (18+) müşayiət olunmalıdırlar.

3. 16 yaşdan aşağı uşaqlar üçün pulsuz biletlər yalnız doğum şəhadətnaməsini təqdim etməklə əldə edilə bilər.

4. 2 yaşdan aşağı uşaqların (28.06.2013 və ya sonra doğulmuş) girişi pulsuzdur. Xüsusi oturacağa ehtiyacı olan tamaşaçılar əlillik haqqında sənədi təqdimetməklə onlar üçün nəzərdə tutulmuş yerlərə bilet ala bilərlər.

Hər bir yarış məkanında elektron bilet yoxlanışı həyata keçiriləcək. Pulsuz biletindən istifadə üçün uyğunluğu sübuta yetirə bilməyən şəxslərin girişinə icazə verilməyəcək, onlar tam qiymətli bilet əldə etmək üçün bilet satışı məntəqəsinə istiqamətləndiriləcəklər.

Qeyd edək ki, bütün idman növləri üzrə Heydər Əliyev adına İdman Arenasında, Tofiq Bəhramov adına Respublika Stadionunda, Bakı Kristal Zalda, Milli Gimnastika Arenasında, Bakı Su İdmanı Mərkəzində və sair yerlərdə keçiriləcək yarışlara biletlər 2-5 AZN arasında dəyişir. Belə ki, istənilən idman növü üzrə seçmə mərhələnin yarışlarını izləmək 3 AZN, final mərhələnin yarışlarını izləməkisə 5 AZN-dir. B kateqoriyalı yerlərdə isə 3 AZN –lik bilet 2 AZN, 5 AZN-lik bilet 3 AZN-dir.

Ən bahalı biletlər isə milli stadionda keçirilən I Avropa Oyunlarının açılış və bağlanış mərasimlərinin biletləridir.Açılış mərasiminin biletləri A kateqoriyalı yer üçün 200 AZN, B kateqoriyalı yer üçün 100 AZN, C kateqoriyalı yer üçün 50 AZN, D kateqoriyalı yer üçün 20 AZN təşkil edir.

Bağlanış mərasiminin biletləri isə A kateqoriyalı yer üçün100 AZN, B kateqoriyalı yer üçün 50 AZN, C kateqoriyalı yer üçün 20 AZN, D kateqoriyalı yer üçün 10 AZN təşkil edir.

Tarix
2015.05.08 / 14:39
Müəllif
Axar.az
Şərhlər
Загрузка...
Digər xəbərlər

Bakıda könüllülərin yürüşü başladı - Foto

Prezident və xanımı adından könüllülərə təşəkkürnamə

Kolin Gibsondan Azərbaycan nazirliyinə təşəkkür

Rusiyalı menecer: “Biz sizləri yaxşı tanımamışıq...”

Qızıl medalçımız özünə maşın aldı - Foto

Joze Manuel: “Biz ilk dəfə Bakıda güclü göründük”

"Azərbaycan öz qüdrətini dünyaya göstərdi"

Azərbaycanlılar Bakı-2015-in nəticəsindən razıdır - Sorğu

Avropadan Bağırova məktub gəldi

Prezident Karl Ştoss: “Təşəkkürlər, Bakı!”

KULT
<>
Xəbər xətti
 
Axar.az'da reklam Bağla
Reklam
Bize yazin Bağla