"Şeyxin xeyir-duası Allaha daha yaxındır".

Bu sözləri Bakı-2015 İlk Avropa Oyunları ilə bağlı danışan kinorejissor, əməkdar incəsənət xadimi Şeyx Əbdül Axar.az-a bildirib:

"Mən ruhən və cismən idmançı olduğum üçün çox sevinirəm ki, Avropa Oyunları Azərbaycanda keçiriləcək. SSRİ dönəmində bizim idmançılarımız – Olimpiya, Avropa çempionları Sovetlərə böyük töhfələr verdilər. İndi isə biz öz ölkəmizi təmsil edəcək, uğuru ona gətirəcəyik. Şükürlər olsun ki, bizim də imzamız var imzalar içində. Millətin həm fiziki, həm ruhi sağlamlığı nümayiş etdiriləcək. Azərbaycan xalqı sağlam, Allahın nəzərində olan xalqdır. Mən arzu edirəm ki, bizim həm idmanımız, həm də idmançılarımız yüksək səviyyədə təmsil olunsun. Cavan Azərbaycan dövlətinə bu cür dünya səviyyəli ideoloji təbliğat çox lazımdır. Uğurlar arzu edirəm. Eşq olsun təşkil eləyənlərə də, iştirak edənlərə də. Şeyxin xeyir-duası Allaha daha yaxındır, inşallah, xeyirli olar".

Xatırladaq ki, 12-28 iyun tarixində ölkəmizdə keçiriləcək Birinci Avropa Oyunlarına 29 gün qalıb.