Avropa idman elitasının Avropa Oyunlarının təşkili məsuliyyətini dövlətimizə həvalə etməsi Prezident İlham Əliyevin rəhbərliyi altında Azərbaycanın Avropa ailəsində yüksək etimad qazandığını göstərir.

Publika.az-ın məlumatına görə, bunu Avropa Azərbaycan Cəmiyyətinin sədri Tale Heydərov "Oxford University Press" Nəşriyyatının Azərbaycanda fəaliyyətə başlamasına həsr edilmiş təqdimat mərasimində deyib.

T.Heydərov qeyd edib ki, Avropa-Azərbaycan əlaqələri uğurla inkişaf edir:

"Avropa idman elitası tərəfindən Avropa Oyunlarının keçirilməsi məsuliyyətinin dövlətimizə həvalə edilməsi Azərbaycan Prezidenti cənab İlham Əliyevin rəhbərliyi altında Azərbaycanın Avropa ailəsində qazandığı yüksək etimadı, həmçinin, idman ölkəsi kimi yüksək statusa malik olmasını təsdiq edir".

Onun sözlərinə görə, ilk Avropa Oyunlarının ölkəmizdə keçirilməsi Azərbaycanın Avropa ilə əlaqələrini uğurla inkişaf etdirdiyini göstərir.