"2015-ci ilin iyununda Azərbaycanda keçirilən Birinci Avropa Oyunları Azərbaycanın imicinə müsbət təsir edəcək".

Bu sözləri Axar.az-a açıqlamasında Rusiya Milli Strategiya İnstitutunun eksperti Rais Süleymanov söyləyib. Onun sözlərinə görə, bu oyunlar Bakının idman diplomatiyasından faydalanmasına gətirib çıxara bilər:

"Bu, əvvəla, Azərbaycan rəhbərliyinin öz ölkəsini Avropa dövləti kimi görmək istəyi ilə bağlı olan arzusudur. İkincisi isə, böyük idman tədbirlərinin keçirilməsi hər zaman onu təşkil edən ölkəyə müsbət reytinq gətirir. Əgər erməni idmançılarının Avropa Oyunlarında iştirakı hər hansı münaqişə olmadan keçirilsə, bu, Bakının idman və siyasəti bir-birindən ayırması anlamına gələcəkdir. Təbii ki, bu heç kəsin idman diplomatiyasını təxirə salması demək deyil. Məsələn, bir neçə il bundan qabaq Türkiyə-Ermənistan futbol oyunları keçirildi. O zaman politoloqlar futbol diplomatiyasından, bir növ İrəvanla Ankara arasında münasibətlərin yumşalmasından söhbət açırdılar. Hazırda bu məsələnin Bakı və İrəvan arasında təkrarlanıb-təkrarlanmayacağını sadəcə zaman göstərəcək".